Jowai: U president ka seiñ HYC-WJC u Damanleki Lathong ha ka dorkhat wa e ha u Justine Dkhar, MLA ka Khliehriat da ong u wa ki ADC toh ki wow yada ya ka riti dustur ki tre ri, ka khyndaw ka chyiap tangwa ka 6th Schedule won dang boon iwa duna ko wei emkaam wow pynkylla ya ka.
I pynkylla wa emkaam toh kam ya ka Paragraph 12-A(a) wow khanglaad yei banbor ki aiñ ka jylla ya ki bor ADC wa kiwi kiwi.
“Emkaam leh wow pynneh ya ka District Council Fund deiwa wanrah ya ka Direct Funding cha ki chnong ki thaw lyngba ki ADC.” da ong u Lathong
Ka DCA ka sorkar jylla ymtoh u luchia ware ko ya ki ADC kam ki Bill yong ki wei wow laibait ki cha u lat ka jylla ym toh cha ka sorkar chwa.
Hawa kyruiñ cha ka State Custom and Usage Tribunal ki yung kasari embynta ki wow yada ya ki hok ki tre ri wei em kiwa bichaar kiwa wan na baar jylla ki wym sñiawthooh ya ka riti dustur yong ki tre ri iwa pynkulmar yumut ya ki.
Kamtæ ka seiñ sñiaw ko yei emkaam wow booh ya kiwa bichaar na ka jylla ha Meghalaya High Court.
Kani toh katkam ka khubor na u Evining Jhon Lamare.
Discussion about this post