Ka Hynniewtrep Integrated Territorial Organization (HITO)-West Jaiñtia Hills District ynne ka sngi hapoh i yahkhmat u President, u Wanbiang Pulang da lai biah kot ki ha kylleiñ ka Jowai wa cha kiwi kiwi ki bynta yong ka West Jaiñtia Hills District wow khang laad ya waroh ki dukan Hardware u dai ya i khyndaw-bilat ka Topcem kat hadooh wa ye u e yei jubab wa biang hajrong i awri wa mih haka 24 tarik hawa pynman ya ka Public Hearing kani ka kharkana.
Kam wow kdaw heini ini i awri da mih i hadien wa pynchit kiwa kreh kani ka karkhana kawa em ha Thangskai, East Jaiñtia Hills District heiwa ini i pynchit ki baar jylla da ktah i ya ka jaitbru waroh kawi.
Chooh chooh ka seiñ da ong ko wa lada kini ki tre dukan ym ya krehlang ki, pynyoo wa ki leh emkti ki wow phah dat phah bom ya ki khon u Ynñiaw Trep Ynñiaw Skum.
Da beiñ ki leh ya ki pulit kiwa da dat da bom ya ki para snaam kiwa da mylliñ yei tre i thied ki mar ya sap ki ya ki Uniform neibhah kiwa wan pyrchah toh wa em ki daw wa i eh wa hap maad ki.
Ha ini i pyrchah ka seiñ namo wow Boycott u thied wei wow pynemkaam ya i khyndaw-bilat Topcem ha waroh ka Bri u Ynñiaw Trep da ong leh wa lada em kiwa pynemkaam ya ini i i khyndaw-bilat daw pynyoo i wa ki leh emkti wei kyrchaan ki ya i leh kani ka karkhana.
Discussion about this post