Jowai: Hadien wa oor i khyndaw wa ki moo ha kani ka 13 tarik ha u sarok na Syntuksiar cha Chyrmang, da chah kah uni u sarok sbak næ.
Kiwa chong chnong ka Chyrmang da chah ktah joor bha ki heiwa ym lait de ki u pynemkaam ya uni u sarok wei da haap ki u chong kari na chiteiñ luti donhi hawa lai ki cha Jowai.
Hei yatoh wa ini neiliang u Wyrta da lai yachem u ya u Executive Engineer (TC) u S. Warbah uwa pait ya uni u sarok heiwa da pyntip u wa daw chimpor ko sa kamwa chi tayaw yow pynkhooid biang ya uni u sarok.
“I daw wa daw chimpor wow pynkhooid toh wa heh kini ki moo wei haap tympiah ya ki neibhah wa ymye u noh ya ki cha tre uni u loom” da ong u Warbah.
Da ong u leh wa da ekti wow pynkhooid ya oo ha u Roskil Pale uwa pynkreh ya uni u sarok.
Hei antaad daw lut hadooh kamwa T. 6 næ T. 8 lak yow pynkhooid ya uni u sarok.
Discussion about this post