Ka laad pathai khubor sorkar ka jylla Mizoram da pyntip ko ynne i step wa da em sa kawi kawa dang yoh COVID-19 kawa 29 snem kawa na Aizawl wei kawa liwan na Maharashtra.
Da phah Test biang leh yaki 10 ngut kiwa yoh COVID-19 kiwa chah sumaar ha ZMC Hospital heiwa 9 ngut na kini da chem wa toh kiwa da lait na uni u khñiang wei daw pynbna noh yaki kam kiwa da chait hadien wa da mih ki napoh Hospital wei manda pynbna ya kini, kiwa chait u ku ki cha ka 18 ngut naka 9 ngut.
Kamtæ waroh kiwa yoh COVID-19 ha Mizoram da em ki 141 ngut heiwa na kini da em 132 ngut kiwa dang em ya uni u khñiang wa 9 ngut kiwa chait.
Na kini ki 141 ngut, 66 ngut toh ki chynrang wa 75 ngut ki kynthai.
Ka District kawa boon dooh kiwa em COVID-19 toh ka Lunglei kawa em 46 ngut.
