Hadien wa ha u Naiynru uni u snem da em ar ngut ki Nurse kiwa na Meghalaya kiwa da yoh u kreh ha Kobe Kaisei Hospital wa em ha sor Kobe ka ri Japan, sa le ngut ki kynthai napoh ka jylla dapoi ki cha Japan yow sdang kreh kam ki Nurse.
Kini toh ka Shishalapyntngen Lartang, ka Luanda B Sangma waka Bankiewdor Mukhim iwa da man kattu da em 5 ngut kiwa da yoh kreh ha Japan hapoh ka Chief Minister Global Program.
Kam wow pynkynmoo wa 27 ngut ki Nurse na Meghalaya da pyndep ki yei chah sikai ha ka NAVIS yow tip u klam Japanese kamjooh yow sñiawthooh ya ka dustur riti ka ri Japan heiwa kini ki 5 ngut da yoh ki leh ya ka VISA katwa ya kiwi dang pynkhreh.
Yeini i chah sikai da e kyrchaan da ka sorkar Rs. 50,000 kawi ka Nurse hapoh ka Meghalaya State Skill Development Society (MSSDS) yow lai ki cha Bengaluru yow tip u klam Japanese wei ka thong toh yow yarap ya 300 ngut ki Nurse ha ki snem wow wan.
Ka sorkar da pyntip ko leh wa da em 14 ngut ki Nurse kiwa da yoh kreh ha ki thaw sumaar wa em ha Singapore kiwa daw lai kreh ha kini ki bnai wow wan.
Puræ leh: 27 ngut ki Nurse na Meghalaya ki wow yoh kreh ha Japan, 2 ngut da sdang ki yei kreh
Discussion about this post