U CEM ka JHADC, u Thombor Shiwat ynne hawa wai ya ka Jaiñtia Durbar Hall wa em ha Jowai da ong u wa boon ki bru kamjooh ka Executive Committee sñiawthooh ko wa waroh ki bru wa thngan wei i kreh toh wow yoh baam wei ka EC ym em mut ko wow pyndooh ya ka tulop kiwa kreh.
Da ong u wa katkam wa kheiñ wa yoo, chem wa biang hi ka poisa ka Council lyngba ka bhah wa khrong ka sorkar jylla lyngba ka Major wa Minor Mineral wei lada pynlait ka sorkar heipor ya kani ka bhah ye bait u su pyndep ya ka tulop kawa sah.
U Thombor da pyntip u wa ha kani ka tayaaw wa dadep da lai u cha Shillong wei katkam wa man ka yukheiñ ha ka File dang toh u yoh noh Rs. 16 klur tangwa ymtip neiyi i daw wa da ksoh biang ya kani ka File.
Chooh chooh da ong u wa i yakhih kiwa kreh hapoh ka Council ymtoh iwa miat wei i wym poi cheiwon cheiwon neibhah wa ka EC yaleh ko katwa ye wow yoh u su pyndep ya ka tulop neipor cheipor deiwa kyntu ya kiwa kreh wow man kiwa yakrehlang ha waroh ki liang.
Discussion about this post