Ka sorkar Meghalaya da phah ko ya waroh le tylli ki Autonomous District Council wow pynbiang ya ki Utilization Certificate (UC) hapoh ka 15th Finance Commission hapoh kani ka tayaaw.
Yeini da phah wow leh neidaw wa joor slem wow e ya ki UC neibynta ki kaam wa da dep pynkreh lyngba ka poisa (Grant) wa da yoh hapoh ka 15th Finance Commission cha ki District Council.
Kamwa man kattæ lada ym yoh ya kini ki UC daw slem leh u pynlait yaka poisa ka bhah wa ar namo ka 2nd Instalment wa toh u e da ka 15th Finance Commission.
Ka poisa wa toh u yoh waroh le tylli ki District Council ka wym pu em pynlait dapoi ko Rs. 500 klur.
Katkam wa pyntip u Symbood Montri Rangbah, u Prestone Tynsong uwa pait leh yaka chnat District Council Affairs, da ong u wa neidaw wa ka sorkar India da sdang ko da ki Website yow pynyoo (Upload) ya ki kreh wa da dep kreh, wei da jia wa em ki chnong ym em pyrtuid ki ha kini ki Website yow jied yow pynyoo yei thaw wa pynkreh ya ki kaam pynroi kamtæ chah kyntait ki.
Chooh chooh em leh ki kreh wa da pynkreh da ki Municipal Board, da ka chnat Urban Affairs wei da emkaam wow ya krehlang da waroh nadooh ka chnat C&RD, PHE kamjooh ki District Council deilang waka chnat District Council Affairs, da ong u Prestone.
Discussion about this post