Sa Rs. 51 klur ka tulop wa dang sah, u pyrchang wow su noh man-u-bnai: Thombor

Ynne ka sngi ka Dorbar Mang Tangka ka JHADC dapoi ko cha ka sngi wa ar heiwa u Nehimaia Lamare, MDC ka Mukhla Ummulong da kylli u katwon ka tulop wa dang sah u yoh kiwa kreh hadooh 28 tarik u Thohlakhmi (Feb) 2025.

Hawa jubab yeini, u CEM ka Council, u Thombor Shiwat da khana u wa dang sah sa Rs. 51 klur ka tulop wa toh u yoh kiwa kreh ka Council.

U Nehimaia hawa kylli lada kani ka poisa man ko ka bhah hadooh u Thohlakhmi, neiliang u Thombor da khana u wa yong u snem Financial Year 2024-25 ympu yoh lut ya ka bhah waroh.

Chooh chooh da kylli kat mynnu u yooluti wow yoh ya kani ka poisa, u Thombor da jubab u deiwa ong wa dang hei pynkhreh namo Under Process wei ka sorkar u pyrchang ko u pyndep noh weiwa u su noh ya ka tulop man-u-bnai.