Ki pulit ka jylla, ynnin ka sngi Thohdieñ da lai kem ki sa ya uwi u bru heiyatoh wa i pdung Bomb ha Khyndailad, Police Bazar, Shillong ha i janmiet ka 30 Duyatra.
Katkam ka yutip wa da yoh da ong wa ki pulit da kem ki ya uni u bru na ka chnong Nongkya kawa haap hapoh Umsning.
Hadooh ynne ka sngi kiwa da chah kem ha ini i kaam tympdung Bomb da em ki san ngut wei i takit dang man i iwa lai chaphrang wow chem ya kiwi kiwa emkti.
Ha ka 2 tarik uni u bnai, neiliang u Montri Rangbah ka jylla, u Conrad Kongal Sangma da pyntip u wa ki pulit da kem ki ya ki 4 ngut kiwa emkti ha ini i kaam, deiwa kular leh wow kem ya kiwi lada chem wa emkti ki wei wow pynchitom ya ki deiwa khor.
