Jowai: Ka Khasi Students’ Union (KSU ) Sonapyrdi Unit ynnin ka 7 tarik da saam ko da ki kot Copy cha ki khynnah skur yong ki le tylli ki skur wa em hapoh ka chnong Sonapyrdi, ka Govt LP School, Little Flower LP School wa Namchiang UP School.
Da saam ya kini ki Copy ha Community Hall hei elmang kiwa sikai yong kini ki skur wa ki dkhot ka Unit.
Ki khynnah skur da pynsñiaw ki yei kmen hawa yoh ki u pdiang ya ini i e yarap hanlada man ko ka e yarap wa khian.
Ka seiñ leh ka da pynsñiaw ko yei kmen hawa yoh wow yarap ya ki khynnah skur.
Ha chwa wow saam ya kini ki Copy da yoh yei klam wa tbian na u President ka KSU Narpuh circle u KS Suchiang wa naka K. Syih kawa sikai ka Govt LP School. Ka Syih hei klam yong ka da pysñiaw ko yei sñiawngooh ya ka seiñ neibynta ini ki e yarap kiwa em ka mynsien neibynta wow yarap wow pynku ya ka puræ puthi.
Discussion about this post