Saam ka Ampareen ya ki Scholarship cha ki khon ki Muster Roll kam ka hok yong ki

Shillong: Kam chibynta wow pteiñ yei pynsñiawthooh ya kiwa kreh Muster Roll chaphang ka Meghalaya Building & Other Construction Workers’ Welfare da pynman ya ka yalang pynsñiawthooh ynnin ka 25 tarik chaphang kani ka Welfare Board wei wow pynpsiah pyrtuid ya ki Muster Roll ha ka.

Kani ka yalang toh ya ki Muster ki 8 tylli ki Division hapoh East Khasi Hills kiwa em ha Public Health Engineering Department ka jylla wei da pynman leh ya kani ka yalang da u Chief Engineer, PHE hei ya krehlang wa ka yungkrehkaam u Deputy Labour Commissioner, East Khasi Hills.

Ka Dr. M. Ampareen Lyngdoh, Minister of Labour, da man ko kam ka kongsan hei emlang u S.K. Blah, Additional CE, PHE, Zone-III, u R.W. Wahlang, Joint Labour Commissioner, East Khasi Hills, u D. Marbaniang, EE, PHE, Sewerage & Drainage Division, u Korbarsing Nongbsaw, SDO, PHE, Mawsynram Sub Division wa kiwi kiwi.

Ka Dr. Lyngdoh hei klam yong ka da ong ko wa kiwa kreh ha ki kaam chna yung ki muster roll ha ki tnat sorkar toh u kreh ki deiwa emburom wei da tipmit yeini lyngba ka scheme wa tip kam ka Meghalaya Building and Other Construction Workers Welfare Scheme ka wow thap pyrtuid yong ki yow tipmit ka sorkar ym du ya ki kamjooh leh ya ki khon ki kti yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kyntu ko ya ki Muster Roll wow chimkabu ki ya kani ka scheme neibhah daw yoh yarap ki heipor kha khon, por bia, ka pension, ka yarap heipor wa kjut ka scholarship ya ki khon yong ki wa kiwi kiwi.

Ha kani ka sngi ka montri leh da saam scholarship ko cha ki khon ki Muster Roll kiwa da em pyrtiud hapoh ka Welfare Board.