Ka yung krehkam yong ka Block Mission Coordinator, Thadlaskein chirup waka District Mission Coordinator, SSA-SEMAM West Jaiñtia Hills ha ka 30 tarik Naisan da pynman ki i saam ya ki khusnaam (Trophy) cha ki skur wa jop yong ka Rally Against Tobacco & Signature Campaign kawa da pynman kyrpang neibynta ki skur waphær yong ka jylla ha ka thong yong ka World No Tobacco Day 2022.
Ha ka yalang wa khian yong kani ka sngi hei pynlai ka C. Lyngdoh, BMC-Thadlaskein SSA chirrup i emlang u L.S. Lyngdoh, Jt. Director DSEL West Jaiñtia Hills. Da yoh i klam wa tbian na u Richard B. Uriah, Principal North Liberty Higher Secondary School, Jowai kamjooh na ka Dr. L.M. Darnei, DMC, SSA West Jaiñtia Hills.
Ki skur kiwa dajop na ki le tylli ki Block yong ka West Jaiñtia Hills District toh ka Panaliar English School, Jowai, ka Q.C. Springside UPS SSA, Jowai, ka Panaliar Secondary School, Jowai waka North Liberty Hr. Secondary School, Jowai yong ka Thadlaskein Block.
Ka Muthlong Rim Govt. LPS, ka Madankhliehriat UPS SSA, Mowkaiaw, ka St. Dominic Secondary School waka Saw Lyngdoh Hr. Secondary School da jop ki na yong ka Laksein Block katwa neibynta won ka Amlarem Block ki skur wajop toh ka Amlari Model Govt. LPS, ka Trangblang Govt. UPS, ka J.N.M. Lamin Secondary School waka Laishnong Hr. Secondary School.
Ki skur won kiwa dajop ha ka District Level toh ka Panaliar English School, Jowai, ka Thadlaskein Block, ka Madankhliehriat UPS SSA Mowkaiaw, Laskein Block, ka St. Dominic Secondary School, Laksein Block waka Laishnong Hr. Secondary School, Amlarem.
