Saam ka Chutwakhu ya ka song poisa wa palat Rs. 7 lak cha kiwa jop Lucky Draw

Ka Dorbar Chnong Chutwakhu, Jowai hadien wa da pynkhle ya ka Lucky Draw ha ka 17 tarik uni u bnai kam chibynta ka Fete, ynne won da saam ya ka song poisa cha kiwa pam ya kani ka pynkhle nasib.

Ya ka 1^st Prize kawa Rs. 4 lak da pam da u D. Chullai uwa chong chnong ka Chutwakhu hi, ka 2^nd Prize kawa Rs. 2 lak da yoh da ka Sonika Paswet kawa na Khimusniang katwa ya ka 3^rd Prize kawa Rs. 1 lak da jop da ka Emki Hasem kawa na Madur.

Ki Consolation Prize kiwa em 5 tylli kiwa mar Rs. 7000 da em le ngut kiwa wan kam, kitæ ka Shanki Nangbah kawa na Laskein, u G. S. Shabong uwa na Chutwakhu wa ka Tanrudant Lily June Challam kawa na Chutwakhu hi.

Ya ki song posia da saam da u waheh chnong, u P.W. Lyngdoh wa kiwi de deiwa emlang u General Secretary, u Homlin Bareh, u Coordinator ka Lucky Draw Committee, u H. Nongpluh, ki dkhot ka EC deilang ki dkhot ka Lucky Draw Committee.

Related posts

Da tam Rs. 27 lak ka Housie ha ki ar sngi ka Fete ka Moochut Pyrdung Club, Jalaphet Bri-Sutnga

February 4, 2026

Pynlait ka Lion Sports and Youth Affairs, Mission Compound Jowai ya ki Ticket Lucky Draw

February 3, 2026