Ka ICAR-Central Inland Fisheries Research Institute (ICAR-CIFRI) da chna ko ya i baam dakha neibynta ki dakha wa psan hapoh ki tharu wa da booh hapoh ki um ki wah wei yeini i baam da e pyrtuid CIFRI-CAGEGROW iwa ye u pær yow suk kiwa psan dakha u pynemkaam.
Yow pynchlur ya kiwa psan dakha ha Meghalaya, ka ICAR-CIFRI Regional Centre, Guwahati da pynman ko ya ka yalang pynsñiawthooh paidbah ha Umsning, Ri-Bhoi District deiwa ya krehlang waka Department of Fisheries ka sorkar Meghalaya waka seiñ ki warep kawa tip kam ka Ri-Bhoi Farmers’ Union ynnin ka sngi.
Ha kani ka sngi da emlang u Dr. B. K. Das, Director, ICAR-CIFRI, Barrackpore, u Dr. B.K. Bhattacharjya, Head (Acting), ICAR-CIFRI RC, Guwahati deilang wa ki Scientist kam u Dr. Pronob Das, Dr. S. Yengkokpam (Sr. Scientist), Dr. D.K. Meena wa Dr. S. Borah. Da emlang leh u F. Hasbar, Fishery Officer, Ri-Bhoi District wa 60 ngut kiwa psan dkha hapoh i yahkhmat u D. Majaw kam u President ka Ri-Bhoi Farmers’ Union.
Neiliang u Dr. B.K. Bhattacharjya da batai u chaphang ka thong kani ka yalang deiwa pyntip wa ka ICAR-CIFRI da pynlai yaw ko ya ki tharu psan dakha kiwa tip kam ki CIFRI-GI Cage, CIFRI-HDPE Pen wa kamjooh ya ini i baam dakha CIFRI-CAGEGROW kiwa ye wow pær ha ka wah.
Neiliang u Dr. Pronob Das da batai u chaphang ki baam dakha wa i rukom psan dakha wa i myntoi wa yoh na ini i baam dakha CIFRI-CAGEGROW. Neiliang u F. Hasbar da e khublei u ya ka ICAR-CIFRI yeiwa leh ko wow sdang ya kani ka psan dakha kawa tip kam ka Cage Culture ha Umiam.
Ha kani ka sngi da saam 2000 kg i baam dakha CIFRI-CAGEGROW cha ki 30 ngut kiwa psan dakha ka Ri-Bhoi District.
