Jowai: Ka Khliehiongriang, Jowai ynne ka sngi da saam paidbah ko yow khoo wa e yarap u MDC u Saron Paswet kamwa 10 churia, wei ya uni u khoo da saam cha ki 35 tylli ki manyung wa dooh wa duk kiwa da jied da ki waheh ka chnong Khliehiongriang.
Chwa u sam yow khoo, neiliang u waheh chnong u K. Ladia da pynsñiaw u yei sñiawngooh wa khroo ya u MDC wei heijooh i por kam ka dak i sñiawkmen, waroh kiwa yoh bynta ya u khoo da ya yieñ thapkti ki.
Da emlang ha kani ka sngi u P. Tron, Assistant, Waheh Chnong, u H. Hinge, General Secretary wa kiwi.
Kam u pynkynmoo wa kani da man ka sien wa soo wa yoh yarap da u khoo ka Khliehiongriang, heiwa nyngkong da yoh yarap ki na u MLA u Wailadmiki Shylla, wa ar won naka Shiv Mandir Committee Jowai, wa le naki 6 ngut chipayu kiwa sah ha kani hi ka chnong katwa iwa soo won ynne ka sngi.
Discussion about this post