Saam ka Mynthong Local Dorbar ya ki prize Lucky Draw cha kiwa jop

Jowai : Ka Mynthong Local Dorbar Jowai ynne ka 1 tarik u Naichipaw da saam ko ya ki prize Lucky Draw cha kiwa eh bok eh nasib hadien wa da pynkhlenasib ko ha ka 24 tarik ka sngi wa pynman fete yong ka.

Da saam ya ki prize cha kiwa jop ha ka yalang wa pynman ha Community Hall ka Mynthong heiwa da wan sakhi lang ki dkhot ka Mynthong chynrang wa kynthai heiwa ya ka yalang da pyllai da u Waheh Chnong u ma M. Lamare, hei emlang u General Secretary u ma C. R. Pasi wa kiwi kiwi waheh.

Chwa u saam ya ki prize da yoh i klam wa tbian na u ma L. Pohktai Excutive Member ka Mynthong, heiwa da khana u wa ya ka fete da ye u pynman biang hadien 23 snem, i rai da chim da ka Executive Committee wa katni yow pynku ya ka yarong poisa hapoh dong poh chnat.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong u leh wa kani ka Lucky Draw man ko kawa jop nei kreh chitom ki dkhot ka dong kiwa da ye ki u pyllai yaw ya 2000 tylli ki thup ticket wei da sah sa du 17 tylli donhi.

Ya ka prize nyngkong wa T. 1 Lak da yoh da ka kong Kmenlang Sumer wa sah ha Mynthong wa em ya ka ticket number 03485, ka prize wa ar wa T. 35,000 da yoh da ka Pril War na Ialong ka wa em ya u number 10069 katwa ya ka wa le won T. 12,500 da yoh da u Lewanki Bareh na ka chnong Rymbai uwa em ya ka tiket number 15315.

Neliang kini kiwa jop da e sñiawbha haroh ki cha ka dong, heiwa ka kong Kmenlang da e ko 15 hajar, 10 hajar cha ka dong 5 hajar cha ka seiñ khynroo. Ka kong Pril won da e ko T. 500 tyngka.