Saam ka NIEPID ya ki tiar wa kyrpang cha ki khynnah wa duna i bor pyrkhat yow yarap ya ki

Jowai : Ka National Institute for the Empowerment of Person with Intellectual Disabilities (NIEPID) ka wa em hapoh ka tnat sorkar pyrdi wa tip kam ka Ministry of Social Justice & Empowerment, ynne ka sngi da saam ko ya ki tiar ki tar, ki kot ki sla wa kiwi kiwi cha ki 78 ngut ki khynnah ka West Jaiñtia Hills kiwa tymbuiñ wa duna hei pyrkhat pyrdaiñ kam chibynta wow yarap ya ki hei nang hei stat.

Ya kini ki tiar ki tar da tip kam ki Teaching Learning Materials (TLM) wei heijooh i por man ki kam ki tiar kyndehke wa ki khynnah ye ki yoh yutip ya kiwa boon jait ki kaam nadooh wow pyndait ya ki tiar khon-khcu yow chna kari, u pynyatoh ya ki soh wa ki rong ki yong ki u ñiaw 123… kamtæ ter ter kiwa yarap ya ki u pynemkaam ya ki kti yong ki kamjooh ki khamat khamtam ya i bor pyrkhat yong ki.

Kani man ko kam wow booddien yei wa dep esikai ya ki bei ki pa kini ki khynnah heiwa kammon u sikai ya ki khon yong ki wei katkam wa da kular da pynbiang ya ki TLM yow ye ki u sikai won ya ki ha yung.

Ha kani ka sngi u da pynyoo biang cha ki bei ki pa wa kammon u pynemkaam ya kini ki tiar ki tar kiwa wan ha kawi ka muna wa heh wei da yabhah ya ki ha ki le bynta. 1. KIT-1 neibynta ki khynnah wa em 0-3 snem, 2. KIT-2 neibynta 3-6 snem i rta. 3. KIT-3 neibynta kiwa em nadooh 7-11 snem i rta, 4. KIT-4, neibynta kiwa 12 hadooh 18 snem.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ki tiar ki tar wa em ha kini ki muna toh da booh kyrpang katkam i rta ki khynnah.

Neiliang ka District da wan mihkhmat ka D. Khongiong, Jt. Director, School Education & Literacy, West Jaiñtia Hills, ka M. Pde, District School Education Officer, ka C. Lyndoh Sub-Division School Education Officer & Jt. DMC wei da pyllai ya ka yalang da u L.K. Singh I.E. Coordinator. Da em leh le ngut ki dkhot ka NIEPID u Dr. Hemanth Singh Keshwar, Officer in charge, Regional Centre,Kolkata, u R.C. Nitaware, Lecturer, Regional Centre Kolkata wa u G. Srinivasalu, NIEPID na ka Head Quarter Secunderabad.

Da pynman ya kani ka yalang ha Ladthadlaboh Dorbar Shnong, Indoor Sports Hall.

Also Read: Ka prokram wa kyrpang ya ki manbei manpa wa em khon kiwa em i duna