Jowai: Yow poi cha ka thong yong ka Digital India Programme namo wow pynthymme wei wow pynemkaam ya ki tiar ki tar katkam ka juk wa katni, da pynman ya ka esikai wa tip kam ka Digital Literacy lyngba ka RIIT, Jowai wa RIIT, Nongstoin neibynta ki kynthai kiwa wan na ki thaiñ nongkyndong.
Yow pynchlur ya ki kynthai wow chim kabu ki ya kani ka Scheme katkam ka juk wa katni, ka sorkar da saam ko da ki “Smart Phone” cha kiwa da pass wa da pyndep ya kani ka esikai ha ka yalang kawa da pynman ha 19 tarik uni u bnai ha Don Bosco Youth Centre, Shillong.
Yeini da leh hei sakhi u Joshua Lyngdoh, uwa man kam u Senior Executive, ka State Coordinators, CSC, Meghalaya chirup wa u Ravi Roy, District Manager, East Khasi Hills, Meghalaya, CSC e-Governance Services India Ltd. chirup wa ki bru na ka RIIT.
Yow pteiñ i esikai yow pynman ya kiwa boon kam kiwa stat, ka sorkar da chim ko ka rai wow pteiñ yeini i esikai lyngba ka programme PMGDISHA.
Kani ka programme u em ki ha waroh ki CSC hapoh Meghalaya wa kiwa chong chnong ka jylla Meghalaya ye ki wow chim kabu yeini.
Kani ka esikai toh kawa mynkna wei kiwa pyndep ya ka, daw e ya ki da ki certificate na ka NIOS. I pynpsiah pyrtuid da sdang i pyn na katni hi.
Discussion about this post