Wot hapyrdi i chna ya i yungmane, ynne ka sngi ka Balang Presbyterian Iooksi deilang waka Yaseiñ Kynthai, Yaseiñ Khynroo, kamjooh waka seiñ ki khon ka chnong kiwa chong wa sah ha Shillong, da e yarap ki da u khoo cha ki 181 tylli ki yung hapoh yong ka chnong Iooksi, Iapkhla kiwa chem chitom ha kam ini i por wa em i khang chnong namo ka Lockdown pyrchah ya ka khlam COVID-19 heiwa ki khon ka chnong ym yoh de ki u li khih li khan wei da maad ki leh chiboon i eh khamtam ha i baam i dih.
Hachwa wow saam ya uni u khoo da pynman yaka yaseiñ duwai kawa khian deiwa emlang u Pastor, ki Tymmen Wasan, ki Waheh Balang, Waheh Chnong, Secretary Chnong, VDP Chnong kamjooh waki khon ka chnong kiwa wan chim khoo.
Da yoh ya i sneiñ i kroo wa i pynkyntang ya u khoo na u Pro. Pastor E. Sapuh.
Ka Balang da khang ko leh u chondur wei riñ Video ya kiwa wan chim khoo.
Discussion about this post