Saam khoo ka Raliang lyngba ka poisa wa mih naka Relief Fund ka chnong

Ynne ka sngi, ka chnong Raliang da ka poisa wa pynmih lyngba ka Raliang Village Relief Fund (RVRF) da saam ko ya u khoo, u dai, i blooh, u Nutrela kamjooh i phniang cha ki manyung wa dooh hapoh ka chnong deiwa ya emlang u waheh chnong, u secretary, ki dkhot chnong kamjooh ki VDP ka chnong Raliang.

Ya kani Relief Fund da seiñ ya ka ha ka janmiet ka 30-03-2020 ha yung Dorbar Hall, wei i thmu yong ka toh wow yarap ya ki wym emlaad u lai khih lai khan neidaw wa em ka Lockdown wow yada ya u khñiang COVID-19.

Kani ka Relief Fund toh kawa kynchew poisa para wa chong chnong kamjooh wa ki kattu katni ki sahep yow yarap ya kiwa dooh wa duk.

Kamtæ ka EC e khublei kyrpang ko ya waroh ki waheh yong ka chnong kiwa da noh kyllooid mynsien cha kani ka Relief Fund yong ka chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por leh ka EC boh ko ya i kyrpaad ya waroh ki waheh yong ka chnong kiwa em cha jan næ cha jngai u sñiawbha ki u ya krehlang wow noh sñiawbha cha kani ka Relief Fund deiwa thap ya ini hapoh u WhatsApp https://chat.whatsapp.com/Lc77wADzu8QARWbnnsPFDt khang wow ye u yarap ya ki khon ka chnong kiwa chem chitom ha kam ini i por.