Khliehriat: Ka seiñ South Border Youth Welfare Association (SBYWA) Elaka-Rymbai & Lakadong, East Jaintia Hills Dist, ynne ka sngi da lai saam ko da u khoo (6 churia) Dai (10kg) wa i phiang baam ya 18 tylli ki manyung wa dooh ha ka chnong Lakadong Ummat kawa man ka chnong kawa em ha khappood Meghalaya (India-Bangladesh).
Da pdiang sñiawbha ya i e yarap kani seiñ da u K. Patwad, Waheh Chnong uwa pynsñiaw yei sñiawngooh ya ka seiñ yei yarap ko ya kiwa dooh ha kam ini i por kawa kiwa chong chnong ym yoh de ki u lai kreh wa ym em de wa khut kreh mylla ya ki nadooh wa em kani ka Lockdown pyrchah ya u COVID-19.
U Skhembor Shadap, President ka SBYWA da ong u, “Ka seiñ u pyrchang bait ko wow yarap katwa ye i bor ha kam ini i por cha kitu ki yung wa dooh kiwa chem chitom bha neidaw wa em kani ka khang chnong hapoh ka jylla wa ka ri waroh kawi, katwa kamtæ da sdang chwa u e yarap ha kani ka chnong Lakadong Ummat heiwa ka seiñ daw pteiñ chooh chooh ko u yarap cha kiwi de ki chnong kiwa em hapoh ka thaaiñ yong i neibhah wa dang yang i u yoh bor neiliang u DC ka East Jaiñtia Hills District khnang yow yoh u leh yeiwa emkaam.
Neitæ u Shadap da pynsñiaw u yei e khublei ya u Waheh Chnong Lakadong Ummat uwa da yarap wow jied ya i pyrtuid ki yung kiwa dooh kiwa emhok wow yoh yei yarap na ka Association neibhah khlem em u te ym ye u tip lut ya ki yung wa dooh wa emkaam yarap bha.
Discussion about this post