U Eleazer C Dkhar, Vice Chairman yong ka Meghalaya Handloom and Handicraft Corporation Development Ltd dei sñiawkhia da e yarap u da u khoo cha 84 tylli ki manyung mar 20 kg wa em haka chnong Mowkaiaw ha ka 14 tarik.
Ya ini i saam khoo da leh haka skur Sowlad Mowkaiaw.
Neiliang ka chnong da pynsñiaw ki yei mynsien wa kmen wa em kam uni u rangbah yong ka chnong wa em i mynsien yarap cha kini ki manyung kiwa da maad sakhiat yei eh i kutlaad u yoh ki yei baam i dih heini i por wa khang khyrdep wow yakhun yaka khlam COVID 19. “I sñiawngooh i kamjooh e khublei i ya u khon ka chnong u Eleazer C Dkhar wa da e yarap kyllooid mynsiem u. I kam ka chnong kitbok kitrwiang i ya oo yow yoh u yei chait yei nang kamjooh wow nang kamai kajih phi,” ong u Iadamiki Lyngdoh, General Secretary Chnong Mowkaiaw
“Ka Dong Sowlad dap ko dei mynsien wakmen wa u khon ka dong wa da mih u chakhmat wow yarap neibynta kiwa maad yei eh ha kam kini ki por kawa emkaam bha hadooh kattæ kattæ. U Blai wow kyrkhu kyrdoh u ya phi kam u khon yong ka dong kamjooh yong ka chnong yong i,”ong u Dapbiang Lathong.
“Kam ha ini i por ym toh u sñiaw yaphær niam, u sñiaw yaphær Party ne u leh Politics neibhah lada em kam itæ daw dooh ki yung ki sem kiwa emkaam yei yarap. Nga dei mynsien wa sñiawkhia kam u khon yong ka chnong e O i yarap cha waroh ki yung 84 tylli mar 20 kg chi yung. Emkaam i ha kini ki por u myllieñ lada em kiwon kiwon kiwa emkaam yarap, yow ye u wanrah yei sñiawkhia wa i maya ha waroh ki liang khamtam ha kini ki por emkaam wow e yarap cha ki yung ki sem hapoh ka chnong ka thaw yong i kiwa maad yei eh heini i por. Emkaam wow yarap ya kiwa maad yei eh kat i bor wa ye,” ong u Eleazer C Dkhar.
Discussion about this post