Ynnin ka 29 tarik, ka seiñ Jaintia Student’s Movement (JSM) da yoh ko wow saam khusnam cha ki khynnah puræ ka Ri-Loom Jaiñtia deiwa e da ki Memento waka song poisa haka yalang wa pynman ha Infinity Hall Restaurant, Mooralong Jowai.
Ki khynnah kiwa yoh ya kani ka khusnam toh kiwa poi chakhmat deiwa yoh 80% chaneiñ haka SSLC wa HSSLC (All stream) Examination 2020.
Ha kani ka sngi da em leh u General Secretary ka JSM Central Body u Roitre Dkhar uwa man leh kam u kongsan ha kani ka sngi, heijooh i por leh emlang u Joint Secretary u Pillarstone Phawa wa kiwi kiwi ki dkhot ka seiñ, kiwa yoh khusnam kamjooh ki bei ki pa yong ki.
Neiliang ka seiñ JSM da ong ko wa ini i e ya kini ki khusnam ym toh man i du wow yoh naam yoh burom yaka seiñ tangwa mut i wow pynchlur næ kyntu yaki khynnah puræ, khamtam leh kiwa lai puræ ha ki laiñ waphær waphær kam ki Doctor næ ki Engineer wa kiwi kiwi tawan ki laiñ puræ.
Heijooh i por leh ka seiñ da ong chooh chooh ko wa ya kitu ki khynnah wada dep puræ kiwa ym pu yoh khih yoh kreh wa ye ki wow yoh yarap deiwa pynyoh khih yoh kreh yaki da ka seiñ katwa ye wa lah kam ha i kreh ha ki yung ki bru samen.
Ka kyrwoh na u Education Secretary, JSM Central Body u Heyboyme Myrphet.
