Saam ki montri ka jylla da ki tiar wow yarap ya kiwa thaiñ

Tura: U Montri ka Sports & Youth Affairs, u Zenith Sangma wa u Montri ka Sericulture & Weaving, u Clement Marak ynnin ka sngi da saam ki ya ki kse thaiñ wa ki kor thaiñ that cha kiwa thaiñ ka Garobadha wa Selsella.

Kani ka scheme toh kawa da sdang ha u snem 2015-16 yow pynim biang ya i rukom thaiñ that yongrim wa da jooh leh ki kynthai.

Ya ki kse thaiñ da saam 10 kg cha kawi kawa thaiñ wei ki kor thaiñ won da e cha soo tylli ki dhab wa da tipmit ka sorkar.

U Zenith Sangma da ong u wa ka sorkar jylla da rai ko wow kyntu ya kani ka kaam thaiñ wei wow wanrah leh ya ka stat sayan wa katni yow ku ka nong yong ki. Da ong u leh wa i thaiñ dei yong tynre toh em ko ka yaaw wa heh bha tangwa duna won kiwa pynmih ya ki kamtæ emkaam u chim kabu ya ini.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

U Clement Marak won da kyrpad u ya kiwa thaiñ yow pynim wei wow pynneh pynsah ki yei rukom thaiñ tynre deiwa sikai leh ya ki khon ki kti yong ki. Da pynchlur u leh ya ki wow thaiñ that ki kiwa phær wa boon jait wa kiwa soi.

U Director of Sericulture and Weaving, S.K. Barchung da pyntip u wa hapoh ka jylla em 30,000 ngut kiwa thaiñ wei boon toh kiwa na ri-loom Garo wei da e buit u wow chna ki da ki seiñ yong ki yow ye ka sorkar u tipmit ya ki yow yoh yarap ki kamjooh yow chna ya ki kharkhan wa khian.