Ka Meghalaya State Legal Services Authority (MLSA) da leh warom ko ya ka Legal Services Day kam chibynta ka “Pan India Awareness & Outreach Programme” kawa man leh chibynta i lehkmen yei yoh laitlooid wa 75 snem ka ri wa da e pyrtuid Azadi Ka Amrit Mahotsav deilang waka Legal Services Week.
Kamtæ ynnin ka 9 tarik ha Police Bazar wa Motphran, Shillong da pynman yei pynsñiawthooh hajrong ka aiñ The Legal Services Authorities Act, 1987 kawa da pynkrehkaam da ka Parliament yow pynmankaam yei thong ka Article 39A ka Constitution ka India kawa pyntikna wow e mynkna yei yarap heiyatoh waka aiñ cha kiwa dooh wa duk ka imlang sahlang yow yoh ki yei bichaar hok heijooh i por wym toh u dooh ki yei hok du neidaw wa duna poisa lane kiwon kiwon ki jait duna.
Ha kani ka yalang da saam ya ki kot lakdop yow pynsñiawthooh chaphang ki e yarap wa mynkna heiyatoh wa ki aiñ (Free Legal Services), i yoh yei bichaar wa hok, i hok ki kynthai, ki kaam wa yatoh wa i chah thombor ha ki yung ki sem, ka Lok Adalat, ka PLV Scheme wa kiwi kiwi de yow poi cha ka thong wow yoh yei bichaar wa hok ya waroh.
