Ynne ka sngi, kiwa kitkaam ka Dorbar Chnong Khanduli da yoh ki u saam ya ki kymmor cha waroh ki thlu yung yong ka chnong kiwa kamwa 500 yung.
Ha chwa u saam ya kini ki kymmor da yoh ya i kyntien na u Waheh Chnong ka Khanduli, u Yoshida Nongspung wa kiwi ki waheh kam u Niwal Challam, Chairman Chnong, u T.Bn I. Kharkongor, u W Slong, u K. Shylla wa u D. Chadap.
Waroh kiwa klam da pynsñiaw ki yei sñiawngooh ya u MLA ka thaaiñ, u Sniawbhalang Dhar uwa man leh u Montri sorkar jylla uwa da e sñiawbha ya kini ki kymmor cha ki khon yong ka chnong kam ha ini i por wa kjam wa dait-thah.
Ka Dorbar Chnong Khanduli da kitbok kitrwiang ko ya u MLA wow yoh u yei chait i khiah wei wow kreh rap bha u ya ki khon yong ka Constituency hi waroh kawi.
Ka khubor wa pynlait da u Secretary Chnong Khanduli, u Helpme Slong.
