Jowai : Ka Khasi Student’s Union Laskein Circle chirup waka KSU Sahsniang Unit haka 24 tarik uni u bnai da lai leh kmen Khristmas ki chirup waki khonswet kiwa em ha NEIMA Sahsniang.
Ha kani ka lehkmen ki dkhot ka KSU ryngkat i em lang u Shaniahskhem Dkhar ka KSU Khliehriat Circle da pynman ki ya i ah cake kam ka dak wow leh kmen ya ka sngikha u Jisu Khrist
Hei jooh i por ka KSU da saam ko leh da ki kymmor cha ki 25 ngut ki khynnah khonswet wa em heini ha thaw.
Ha kani ka sngi da emlang chirup u Justice Paul Lyngdoh, u Joshwa Lathong president KSU Sahsniang Unit, u Nangaibormi Sutnga wa kiwi kiwi ki dkhot ka seiñ.
Hawa klam ha kani ka lehkmen Khristmas, neiliang u Shaniahskhem Dkhar da ong u wa sñiawkmen u hawa yoh u emlang chirup wa ki diahkhian kiwa man ki khonswet kiwa em ha kani ka thaw wa ri wa sumaar ya ki.
Da ong u leh wa hawa lehkmen Khristmas i ymtoh u leh i du kat ya i samen samen tangwa toh u pynkmen lang i leh ya kiwi khamtam ya kam kini ki khonswet kiwa wym em bei em pa de.
Ka sein da thied ki leh da ki syiar wei da e ki leh cha kiwa pyllai ya kani ka thaw pait ya ki khonswet neibynta wow yoh ki khynnah u bam sñiawbha ha ka sngi Khristmas.
Discussion about this post