Jowai: Ka Wahiajer Mission Centre Khasi (WMC) Jaiñtia Presbyterian Synod Mihngi kawa kynthup ya ki soo tylli ki Presbytery kam chi bynta wow yarap ya ki wa dooh ynnin ka sngi 3 Naisaphra da lai e sñiawbha ko da ki kymmor (Blanket) cha ki manyung wa dooh wa sah khonswet ha ka chnong Nongjngi kawa haap hapoh ka West Jaiñtia Hills District.
Chwa wow saam ya kini ki kymmor da em ka yalang wa da pyllai da u Rev. F.S. Lipon uwa man leh kam u Chairman ka WMC wei da yoh leh yei klam na u Waheh Chnong ka Nongjngi, u Tbn S. Tyngkra, u Tbn H.B. Dan, u Rev. L. Manner Field Secretary WMC.
U Rev. L. Manner hei klam da e ngooh u ya u Blai, uwa da yah luti ya kani ka Centre neipor cheipor ha ki kaam ka centre.
Da e khublei u leh ya u ma S. Suting uwa yarap yarap wow e ya kini ki kymmor kiwa ka WMC da yoh ko u e yarap cha ki para mynsien ki wym pu pdiang ya u nongpynim u Jisu Khrist.
Discussion about this post