Kam chibynta wow pynsñiawthooh paidbah ya ka National Tuberculosis Elimination Programme deilang waka Pradhan Mantri TB Mukt Bharat Abhiyan (PMTBMBA), neiliang ka yung krehkaam u District Tuberculosis Officer, Jaiñtia Hills deiwa ya krehlang waka Star Cement Limited, Lumshnong. Ynne da pynman ki yei saam baam cha kiwa chitom na ka kjut TB deiwa saam baam cha ki hapoh ka Community Support Scheme for TB Patients ha ka yalang wa da pynman ha Khliehriat Civil Hospital, Khliehriat wa ha Sutnga CHC, Sutnga.
Ha Khliehriat Civil Hospital da emlang u District Medical & Health Officer, East Jaiñtia Hills District, u Dr. D. Shylla deiwa emlang u Medical Officer In-charge Khliehriat Civil Hospital, u Dr. A Lakiang, ka Medical Officer In-charge Tuberculosis Centre Jowai, ka Dr. D.S. Tariang, u Manager-CSR, Star Cement Limited, Lumshnong, u Kingshok K. Borah wa kiwi de.
Neiliang u Dr. D. Shylla hawa e yei klam da ong u wa ka kjut Tuberculosis toh kawa yabi wei kawa da em da slem bha tangwa ka sorkar da kwah ko wow pyndooh jait noh ya ini i kjut napoh ka ri.
Da kyntu u leh ya ki paidbah wow wan ki wow phah Test wei ka sorkar da e dawai ko leh dei mynkna wei da ban joor u yei emkaam wow dih yei dawai kamwa toh u dih yow yoh yei chait i khiah kamjooh yow khang yei poor kani ka kjut cha kiwi wa cha kiwa ha-yung ha-sem ki.
Ha Khliehriat da saam da u khoo, i phñiang baam, ki pyllieñ wa kiwi de cha ki 18 ngut kiwa chitom katwa ha Sutnga CHC won da saam baam cha ki 27 ngut.
Ha ka yalang wa da pynman ha Sutnga CHC da emlang Medical & Health Officer in-charge Sutnga CHC, Dr. L. Sutnga, Senior Tuberculosis Laboratory Supervisor (STLS), u Watson Siangshai, Senior Treatment Supervisor (STS), u Linus Manner, Manager-CSR, Star Cement Limited, Lumshnong, u Kingshok K. Borah wa kiwi de.
Ha East Jaiñtia Hills da em 100 ngut kiwa da yoh kyrchaan hapoh ka Community Support Scheme kiwa da yoh yarap na ka Star Cement Limited, Lumshnong.
Discussion about this post