Ka NSUI Jaintia Hills Unit ynnin ka sngi ka 19 tarik ha i yahkhmat u Hamewanpynhun Ryngkhlem, President NSUI Jaintia Hills Unit kam i dak wa burom yaka sngikha u Rahul Gandhi da lai e yarap ko ha thaw ri khonswet kawa da tip pyrtuid kam ka 7 Thyndai Child Care Institute Cum Counseling Center, Tuber Kmai Shnong chirup wa u Gerald Phawa uwa man u General Secretary ka East Jaiñtia Youth Congress Committee, wa u Deibormi Syad President ka Khliehriat Block Congress Committee.
Ha chwa u sdang ya i e sñiawbha da pynman ya i yaka ngooh Blai (Silent Prayer) kam i dak kynmoo warom yaki chipai ka ri wa dooh yei mynsiem ha Galwan Valley.
Ha chwa wow saam ya u khoo, salah wa kiwi ki marbaam cha kani ka thaw ri khonswet, da yoh ya i klam pdiang sñiawbha naka Tiewmihpli Lyngdoh kawa man ka Chairperson yong kani ka thaw ri khonswet wei da yoh leh ya i klam na u Shwari Ryngkhlem Vice President NSUI Jaintia wei da klam pynkut da u Lalrinzuala Thieite State General Secretary NSUI.
