Khliehriat: Ka seiñ Southern Border Youth Welfare Association (SBYWA) Elaka Rymbai & Lakadong, East Jaintia Hills District ynne ka 14 tarik, hei yahkmat u Niyo Biam, Asst. General Secretary ka Association deiwa emlang ki dkhot u I. Rymbai kamjooh nadooh kiwa yahkhmat wa uwa e buit u E. Lamare da lai saam marbaam ki da u khoo, u dai wa i phiang baam cha 54 tylli ki manyung wa dooh wa duk ha ki soo tylli ki chnong wa kynthup yaka chnong Lama, Natbor, Borkhat kamjooh ka chnong Kwator kawa hap ha thaaiñ khappood Meghalaya (India-Bangladesh).
Da pdiang sñiawbha ya i e yarap yong ka Association da kiwa yahkhmat chnong yong kitai ki chnong heiwa da pynsñiaw ki yei sñiawngooh ya ka seiñ yei yarap ko ya kiwa dooh ha kam ini i por wa em kani ka khang chnong (Lockdown) wow yakhun pyrchah ya u COVID-19.
U N. Biam da ong u hanla ka Association dang man ko kawa duna ha iwa boon ki liang khamtam ha ka poisa, tangwa u pyrchang bait ko wow yarap katwa chah i bor ha kam ini i por cha kitu ki yung wa dooh kiwa chem chitom bha neidaw wa em kani khang chnong hapoh ka jylla wa ka ri waroh kawi, katwa kamtæ ynne ka sngi da yoh wow yarap ya phi ki manyung kamwa toh sap u yoh yei yarap kam ka dak wow kyrchaan ya phi.
Ka Association da pynsñiaw ko yei e khublei ya ki waheh chnong, kiwa yahkhmat chnong kamjooh ya ki dkhot waroh kiwa da kreh chitom wow yarap wow jied ya i pyrtuid ki yung kiwa dooh kiwa em hok wow yoh yei yarap.
Kani toh katkam ka kyrwoh khubor kawa da phah lyngba u Namphrangmi L Talang, General Secretary, SBYWA, EJHD.
Discussion about this post