Kam i laad wow yada nei poor smat u khñiang COVID-19, ka VDP Lad Rymbai Dongwah da saam mynkna ki da kamwa 200 tylli ki Mask cha kiwa wan yaw cha ka chnong.
Ka chnong da kyrpaad joor ko ya kiwa wan yaw wow bood yaki kyndon ki aiñ yong ka chnat i chait i khiah deiwa deiñ yaki Mask khlem pep wei wow yajngai uwi na uwi.
Ki VDP da pyntip ki leh wa daw wan sylli ki na i por cha i por khnang wa ki paidbah ym tyngkheiñ ki yaki aiñ yong ka chnat i chait i khiah.
Ini toh katkam ka kyrwoh na u Secretary VDP Lad Rymbai Dongwah u Anthony Biam.
