Ampati : Ha ka yalang wa khian weiwa chongkhia da saam ya ki cheque cha ki 11 ngut ki khynnah kynthai kiwa man leh ki khonswet hapoh ka scheme Chief Minister’s Wedding Assistance Scheme for Orphan Girls kawa yarap poisa ya ki khynnah kynthai kiwa da biang rta u bia ki.
Kani ka scheme toh kawa sdang da u Dr. Mukul Sangma ha u snem 2014 yow yarap ya ki khynthai wa dooh wei kamjooh kiwa man ki khonswet wei da em ki 18 snem i rta, kiwa kwah u bia deiwa emburom wei ya kani ka scheme da pynkrehkaam da la tnat Social Welfare.
Ya ki cheque sa saam ha ka yalang wa pynman ha Ampati Multi Facility Centre.
Ya ki cheque da e kti da u Deputy Commissioner ka South West Garo Hills u C.V.D. Diengdoh uwa man kam u kongsan ha kani ka yalang.
Ka cheque toh kawa mar T. 15,000 heiwa ki chynrang wa thmu u bia ya kini ki kynthai leh da emlang ki.
U DC da pynkynmoo u leh ya waroh ki chijur wow wan Register ya ka Bia yong ki hapoh ka aiñ compulsory Registration of Marriages Act of 2012 yow pynskem wei kamjooh yow tipmit ka sorkar yei bia yong ki.
Discussion about this post