Ka Institute of Bioresources and Sustainable Development (DBT-IBSD), Shillong, Node: Meghalaya, hapoh i yahkhmat u Director, IBSD, Prof. Pulok K. Mukherjee, kam chibynta wow yarap e khih ya ki warep ka Byrnihat, Ri Bhoi District, da saam ki da i symbe jhoor rep wa tip kam u Lemongrass cha ki warep yow yarap ya ki hadien kani ka khlam.
Ya i saam symbe Lemongrass da leh ha Rural Bioresorurce Complex (RBC) Byrnihat, Ri Bhoi District deiwa emlang u Dr. Samar Roychowdhury, Controller of Administration and Finance (CoAF), IBSD wa u O. Bishan Singh, Senior Account Officer, IBSD, deiwa emlang leh ki wakreh ka IBSD Node; Meghalaya haka 16 tarik uni u bnai.
Ka DBT-IBSD toh kawa em yung krehkaam ha kiwa boon ki jylla ka North East wei da embynta ki wow yarap ya ka imlang sahlang heipor wa em ka khlam khamtam ya ki warep yei lait ki nei dooh nong.
