Ki bor District ka East Jaiñtia Hills District deiwa ya krehlang wa ka yung krehkaam ka District Mission Coordinator, SSA ka East Jaintia Hills District ynne ka sngi da saam ki ya ki tiar skur (Basic School Stationeries) cha ki 413 ngut ki khynnah kiwa na 28 tylli ki Non-Resident Special Training Centers (NRSTC) kiwa da kyrchaan poisa da ka District Mineral Foundation Trust (DMFT).
Ha kani ka yalang da emlang u A. Baranwal, Deputy Commissioner ka East Jaiñtia Hills District, u J. Shylla, Addl. Deputy Commissioner, East Jaiñtia Hills District, ka T. Challam, Block Mission Coordinator (BMC), u S. Laloo, District Mission Coordinator (DMC), East Jaiñtia Hills District, Khliehriat, u L. Pohti, Project Manager DMF Trust ki sahep ka Sarva Shiksha Abhiyan (SSA), kiwa sikai wa ki khynnah ki NRSTC.
Ki NRSTC toh kiwa pait ya ki khynnah wa da dam skur chipor deiwa pynman da ki skur miet yow ye ki wow chem, wow poi cha ka kyrdan puræ wa yatoh wa i rta ki yow ye ki u psiah biang cha ki skur sngi.
I jied ya ki tiar skur wow e cha kini ki khynnah wa cha ki skur da leh da ka yung krehkaam u Deputy Commissioner wa ka District Child Protection Officer (DCPO) deiwa ya krehlang wa kiwa sikai.
Ya kani ka Project da sdang da ki bor District wei da yarap poisa da ka District Mineral Foundation Trust.
Ki tiar skur wa da saam kynthup ki nadooh ki kot wow thoh, ki khulom, ki rubber, ki let, ki satri, ki muna skur, ki yuchut let, ki Torch Light, ki let dro, ki kot dro, ki chalk, ki Map ka India wa ka pyrthai, ki Vegetable Chart, Alphabet Chart, Animal Chart, First Aid Box, Almari, ki Math Kits Box, Green Board, ki Football Jersey wa ka bol.
