U MLA ka Nongkrem uwa man leh kam u heh ka VPP, u Ardent Miller Basaiawmoit ynnin ka sngi da pynlait u ya ki Work Order hapoh ka Special Rural Works Programme (SRWP) waka Intensive Sports & Youth Development Programme (ISYDP) Scheme neibynta u snem 2023-24.
Kini ki Work Order toh kiwa dapoi Rs. 2.50 klur hapoh ka SRWP wa Rs. 3 lak hapoh ka ISYDP.
Hapoh ka SRWP da pynlait Rs. 45 lak neibynta 60 tylli ki manyung wa dooh wa duk (BPL Families) heiwa da e Rs. 75,000 kawi ka manyung wa Rs. 25,000 cha 200 tylli ki manyung yow pynchna ki yeiwa jæd wa pra, neitæ da e Rs. 10,000 cha 500 ngut kiwa seiñ khih kam ki bru samen, Rs. 20 lak cha ka Pomlakrai Presbyterian Secondary School, Pomlakrai Mawtharia, Rs. 12.50 lak cha ka Lumkynsai Presbyterian LP & UP School Smit, Rs. 15 lak cha ka Nongkrem Presbyterian Secondary School Nongkrem Mawpynthaw, Rs. 10, lak cha ka St. John Bosco, Laitkor Mawrie, Rs. 10 lak cha ka HL Mizo LP School, Madanrting, Them Basuk, Rs. 2.50 lak won yow pynchna ya ka madanbol Laitkor Football Ground, Rs. 15 lak (First Phase) cha ka Mawpynthaw Football Ground wa Rs. 50 lak cha ka Reach Shillong Ministries School.
Napoh ka ISYDP Scheme da e mar Rs. 50,000 cha ka Madanrting Sports Club, ka Pomlakrai Sports Club, ka Dongmusa Umphyrnai, Smit Sports Club, Umphrup Sports Club wa cha ka Nongkrem Sports Club.
U Ardent hawa e yei klam da ong u wa kam u MLA ym kwah u wow yoo wa wan yang poisa ki bru cha yung u lada toh wow thied dawai næ kot skur neibhah ini toh i kaamram ka sorkar wow e yarap na ki Scheme wa boon.
Da ong leh wa da em ki MLA wa da khana wa da e ki Rs. 10 lak cha ki paidbah tangwa ym jooh em khana ki kammon won da pynlut ya ka Rs. 2.50 klur wa da e bhah da ka sorkar.
Da kdaw u leh w aka Rs. 10 lak kawa man kam ka Discretionary Grant toh kawa da e yow yarap smat cha ki paidbah kiwa emkaam smat wei waroh ka poisa yarap toh kawa da phah bait cha ka Bank Account kiwa yoh myntoi.
Kamtæ da ong u wa oo da pynlut waroh wei ym em de kawa dang sah.
Discussion about this post