Shillong: Ka lehkmen ya ka 70th Republic Day hapoh ka ri waroh kawi da pynman leh ha Shillong, heiwa u lat ka jylla u Tathagata Roy da pynhær u ya ka lama ka ri wei da chim u leh ya ka Rashtriya Salute ya ki 10 tylli kiwa leh March Past wa kynthup ya ka Border Security Force, Central Reserve Police Force, ARC, Mizoram Police, DEF, Meghalaya, CSSCS, NCC (Boys & Girls), Meghalaya Bharat Scouts & Guides, Indian Red Cross Society deiwa em leh ka Brass Band ka Border Wing Home Guards wa Border Security Force kawa pynman ha madan Polo, Shillong.
Ha kani ka sngi u lat da saam u leh ya ka U Tirot Sing Award for Art & Literature cha u Dr. Phervision Nongtdu waka U Kiang Nangbah Award for Sports cha u Eugene K. Marak.
U lat da saam u leh ya ka Kayakalp Award neibynta ka chait ka khiah wa kynthup ya kiwa khooid dooh ki thaw sumaar sorkar kawa hap leh hapoh ka Swachh Bharat Abhiyan kawa da yoh da ka Ganesh Das Government Maternal Child and Health Hospital, Shillong, ka Nongstoin District Hospital, ka Mawphlang Community Health Centre, ka Pomlum, Laitlyngkot, Laitryngew, Jatah Primary Health Centres ka East Khasi Hills District.
U lat da saam u leh ya ka Governor’s Medal, cha ka President’s Home Guards & Civil Defence Medal for Distinguished Service, ka President’s Home Guards & Civil Defence Medal for Distinguished Service waka Fire Service Medal for Meritorious Service.
Ka Governor’s Medal da lai ko cha u Gabriel K. Iangrai, MPS, Assistant Inspector General of Police (R), u Sacheng R. Marak, MPS, SP, North Garo Hills, u Nuruzzaman Sheikh, A.B. Inspector, PTS, Shillong, u Nolinath K. Sangma, U.B. Inspector, 5th MLP Bn., u Best Pearl Talang, U.B. Sub-Inspector, West Khasi Hills, Nongstoin, u Steven Kharmyndai, U.B. Sub-Inspector, West Khasi Hills, Nongstoin, ka Ritupurna Kharlukhi, Naik, 1st MLP, Bn, u Eleastar Sohshang, Constable, Eat Khasi Hills, ka Xevarina A. Sangma, W.P. Constable, 2nd MLB, Bn wa u Keshab Thapa, Fireman.
Ka President’s Home Guards & Civil Defence Medal for Distinguished Service da lai ko cha ka Lawansuk Syiemlieh, Assistant Deputy Controller, Civil Defence.
Ka President’s Home Guards & Civil Defence Medal for Meritorious Service da lai ko cha u Krossli Marboh, Junior Instructor Home Guard, u Delin Syrling, Junior Instructor, Home Guard wa cha u Pillipson Raksam Marak, Havildar, Home Guard katwa ka Fire Service Medal for Meritorious Service da lai ko cha u Basudev Bargayary, Leading Fireman.
Ha kani ka sngi da yoh leh ya i pynyoo rong na kiwa boon ki chnat sorkar da ki kari wa pynriam ha ki rukom wa boon jait na ka chnat sorkar wa kynthup ya ka Fisheries, Forest and Environment, Horticulture, Social Welfare, Soil and Water Conservation, Agriculture, Public Health Engineering, Commerce and Industries, Animal Husbandry and Veterinary, District Executive Force, East Khasi Hills waka Office of the Chief Electoral Officer.
Ya kiwa jop ha kani ka pynyoo rong, ka Animal Husbandry and Veterinary Department da yoh nyngkong ko, wa ar da yoh ka chnat Agriculture katwa ya iwa le da yoh lang ka Social Welfare waka Commerce and Industries Department.
Discussion about this post