Ampati : U Dr. Mukul Sangma ynnin ka sngi da saam u ya ki Pump um wa tip kam ki Treadle Pump cha kiwa rep ka South West Garo Hills kiwa rep ya u dieñ Agar wa ki chken ki siej kam chi bynta ka Agar & Bamboo Livelihood project yong ka sorkar jylla wa sdang nadooh u snem 2015.
Ya kini ki Treadle Pump toh kiwa da yoh na ka Xylem Water Solutions India Pvt.Ltd, Noida (UP) wei da jied nyngkong ki ya ka Meghalaya na waroh ki jylla ka thaiñ Northeast.
Kini ki Pump toh kiwa haap yooh da ki kjat yow riñ um ki na ki thlu um, ki dooid, wei da ye ki u taan hadooh 2000 liter chi kynta yow yarap ya kiwa rep yow poi um cha ki hali yong ki.
U Mukul hei klam yong oo da pynchlur u ya kiwa rep yow rep ki ym du yow yoh u baam wei toh u rep ki leh ya ki jhoor wa kiwi kiwi wa ye ki u dai wei da ong u wa u dieñ Agar ki siej toh kiwa lai yaaw bha katni wei da pyntip u leh wa ka sorkar daw su ko T. 20 uwi uwa im wa heh na kiwa thung ki.
Discussion about this post