Jowai: U President yong ka UDP-Mowkaiaw Circle, u Eleazer C Dkhar ha kani ka kynti da e sñiawbha u da ki Jersey Football san jur cha ki khon khynroo ka dong chnong Mowtyrshiah kam ka Mawlong, Khlowsang, Pdienskur, Wahtiniang wa Neinchnong.
Da ong u wa da wan e u ya kini ki Jersey toh chibynta wow yarap ya ki wow kiar ki na ki kaam sih waphær waphær kiwa ktah ya ki khynroo kam i dih kiad dih drugs.
“Kyrmen O wa lyngba i yakrehlang wa ki dong ka chnong Mowtyrshiah, neibhah wa kam uwa jooh ka-it wow yalehke Sports da jooh maad O ya waroh i eh tæ i daw thrang O kat wa ye i wa khian wow e yarap cha ki kam ka dak wow e mynsien ya ki wow pynemkaam hok ki ya ka sap ka yong ki,” da ong u Dkhar.
Da ong u wa nadooh dang khian u jooh sñiawsuk u wow e yarap cha ki paidbah ha ka imlang sahlang khlem yachah liang yeiyi yeiyi deiwa pynrap wa diaw mynsien u neibhah ha ka thaiñ ym em kiwa yah luti ya ki khynnah wa em sap ha ki yalehke Football wei sahkut ki du hapoh Laskein Block.
Chooh chooh da ong u wa thrang u wow yah luti ya ki khynnah na kani ka thaiñ cha ki Club wa heh ha Shillong.
Discussion about this post