Jowai : Ka seiñ HYC-West Jaiñtia Circle ynnin ka 8 tarik da lai yachem ko wa u CEO ka Jowai Municipal Board hei yatoh wa i sah i jhep ha Iawmusiang, Jowai ha ka sngi Bibar.
Neilaing u CEO u ma S.C. Laloo ong u wa ka Municipal kattæ chem chitom bha ko neibhah kiwa kreh da boon boon bnai ym pu em yoh tulop ki iwa da ktah joor bha ya kiwa kreh kamjooh ya kiwa ha yung ha sem ki.
Yei daw wa sah i jhep da ong wa boon i por kiwa chong dai chong dukan ym bien ki u ya krehlang wa ka Municipal heiwa ym pynpoi ki ya i jhep heipor wa biang wa wan kit ka truck ha ka miet yong ka sngi Chohthat wei ha ka sngi Bibar da neh ki waroh chi sngi harood sarok.
Neilaing ka seiñ da kyntu ko ya kiwa chong dai wow krehlang ki wa ka Municipal neibhah man ka sngi Bibar man ko wa yosarom u yoo wa neh i jhep cha rood sarok wa heijooh i por mih i sma nei jhep. Kamjooh leh da kyrpad ya ki paidbah yow ym hoi u noh roi yei jhep wei wow noh ha ki Dustbin yow man ka Jowai kawa khooid wa suba.
Kani toh katkam ka khubor wa pyllait da u Vice Presient u Sebastian Sapuh
Discussion about this post