Kharkhana: Ki nongchong chnong yong ka chnong Kharkhana kawa em hapoh ka Amlarem Sub-Division War Jaintia Hills da mad ki ia i jingeh iwa khroo ha kini ki sngi kiwa da dep neidaw wa joor palat u slap hawa boon ki liar ki chka ki wah hajan iong kani ka chnong da chlai lut ki cha ki luti synkieñ hadooh wow lai ki kari mator leh ym lait de.
Ka chnong Kharkhana toh ka chnong khappood waka ri Bangladesh kawa jngai kamwa 70 km na sor Jowai.
Kamwa man kattæ ki bru iong katai ka chnong da sahkut ki ym lait de ki u mih naka chnong ki u li thuh dawai dachin cha Amlarem næ cha Jowai. Ki nongrep kwai rep pathi kani chnong leh ym lait de ki u li dai ia ki mar iong ki cha Jowai.
Kini ki wah wa chlai toh ka wah Ammara, Amkyrchoh waka Amlati.
Ki nongchnong chnong da kyrpad ki ia ka tnat PWD u chna noh ko da ki yingkieñ ha kini ki thaw wa em kini ki wah næ thooh noh da kiwi ki lad yow lait na ini i chlai um iwa jia ma jia man kipor.
Discussion about this post