U Montri ka chnat i chait i khiah ka jylla, u Alexander Laloo Hek da ong u wa ynne ka sngi ha ka jylla da em du sa kamwa 80,000 sien (Dose) ki tika COVID-19, ya kiwa toh u e ya kiwa da kynjoh palat 45 snem tam i rta, katwa 42,000 sien won da yooluti wow poi ki mynstep ka sngi 12 tarik.
Da ong u leh wa kamwa man katni da em ki 80,000 sien wow dap neibynta 7-8 sngi wei ka sorkar da booh thong ko kamwa 10,000 ngut chi sngi, heiwa da pyntip u wa neiliang ka sorkar da paan chooh chooh ko na ka sorkar pyrdi wei katni dang yang yei jubab neibhah katkam wa pyntip u Chief Secretary wa ka sorkar India daw phah lang ko ya ki dawai cha waroh ki jylla ka ri India.
Heiyatoh wa ki 42,000 tylli ki sien e dawai kiwa toh u poi mynstep ka sngi neibynta kiwa hapyrdi 18 hadooh 44 snem i rta, neiliang u Hek da ong u wa ka sorkar daw yaklam biang ko heiwa kammon wow e ya i tika.
