Ka mukotduma heiyatoh wa i tih mooyong pyrchah yaka aiñ da chong bichaar biang ka ynnin ka sngi da ka High Court ka Meghalaya wei da chem wa u mooyong wa dang sah uwa da dep chim yukheiñ biang ym pu em kit oo na i thaw wa em u cha i thaw wow pynhaap (Depots) kiwa da jied da ka Coal India Ltd.
Da chem leh wa ha kiwa boon ki District ym pu em e ya ki Transit Pass lait noh ha South Garo Hills, West Khasi Hills wa ha South West Khasi Hills yow kit noh ya u mooyong wa da dep chim yukheiñ biang na i thaw wa em u cha ki Depot wei u pyndep yeini chwa u kut uni u bnai.
Heiyatoh waka East Jaiñtia Hills District da chem wa na u mooyong wa em hadooh 10,04,587.502 MT uwa da dep chim yukheiñ biang, da e Transit Pass yow kit du 8.54 MT donhi wei ya uwa dang sah uwa dapoi 1.5 lak MT ym pu em e hanla biang i thaw wow pynhaap mooyong ha i Depot wa da jied da ka Coal India Limited wei ini toh neidaw wa ki tre mooyong ym wan ki chakhmat yow paan ya ki Transit Pass na u DC hanla da dep pynmih ki Notice.
Ka yung bichaar da hukum ko wow kit ya uni u mooyong wa da dep chim yukheiñ uwa dang sah uwa 1.5 lak MT ha East Jaiñtia Hills District hapoh uni u bnai (Feb) yow lai pynhaap cha ki Depot wa da dep jied wei lada ym ye u leh yeini u chimkti noh ka sorkar jylla oo wei u dai lilam oo hapoh chi bnai da ka Coal India Limited wei ka poisa wa mih na kani ka dai lilam u lai ko cha ka sorkar hadien wa su ya ka bai dai lilam da ka Coal India Limited wei hadien wa e yei bhah cha ka Meghalaya Environmental Protection & Restoration Fund (MEPRF).
Hajrong ini, toh u phah Notice da ki bor wa pait yeini deiwa pyntikna wa waroh u tip ki yeini.
Discussion about this post