Sahkut ki dooid, ki Pipe ka Khliehriat Civil Hospital hadooh wa dam u pdiang bru wa kjut

U DC ka East Jaiñtia Hills District hadien wa da yoh ujor u wa ka Khliehriat Civil Hospital da dam ko wow pdiang ya kiwa kjut wa wan phah sumaar.

Da lai hiar u da oo i hi wei da chem u wa i daw toh wa da sahkut ki dooid wa ki Pipe um iwa da pynman ya kani ka Hospital wow chim ya ini i rai wa eh bha iwa da ktah ya ki paidbah wei heini wa lai pait u DC da emlang leh ka Medical Officer Khliehriat Civil Hospital.

U DC da paan pynche u leh na u DMHO wa kammon da chim kat da ini i rai khlem da pyntip cha oo wa cha ka chnat i chait i khiah.

Kamtæ u DC da pynbait u ya kiwa chna Pipe na PHE wa ki bru ka Health Engineering Wing wow lai pait ya kani ka Hospital.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kani ka Hospital nadooh nachwa wa dang man ko kam ka CHC hadooh katni wa da pynku kyrdan cha ka Civil Hospital em ko chiboon i duna heiwa tang ka kor X-Ray leh ym em da kawa krehkaam, ka kor Ultrasound leh da hap pynyoh u DC lyngba ka Corporate Social Responsibility ka North East Transmission Company Limited (NETC) kawa da man kawa nyngkong dooh hapoh ka District.

Kam wow pynkynmoo wa ini wa dep ka JSU da lai tympleh ko yei kyntien “Civil” wa da thoh hei pyrtuid kani ka Hospital.

Puræ leh: Yoh ka East Jaiñtia Hills ya ka kor Ultrasound wa nyngkong dooh

Puræ leh: Tymplæh ka JSU ya i kyntien “Civil” na i pyrtuid ka Civil Hospital ha Khliehriat