Sahkut ki Scheme wa i su ya ki Contractor | Paan pynche ka Liang Pyrchah yei wym yoo wa tyllung ki kaam ha KHADC

Ka Liang Pyrchah hapoh Khasi Hills Autonomous District Council (KHADC), ynne ka sngi da paan pynche ko na u Chief Executive Member (CEM), u Shemborlang Rynjah hajrong i sahkut ki kaam hapoh ka Council, nadooh ki Scheme wa i su ya ki Contractor.

Hawa klam cha ki laad pathai khubor, uwa yahkhmat ka Liang Pyrchah, u Titosstarwell Chyne da ong u wa ki kaam hapoh KHADC ym em lai ki kamwa jooh man, wei ym yoo leh ya ki kaam wa tyllung ki heiwa da sahkut iwa da pynman ya ka Liang Pyrchah wow yachem wa u CEM.

Related posts

Yap u sahep IPS ka Haryana deiwa suba wa siat u ya idæ

October 7, 2025

Yoh u Hek, u Kyrmen, u Comingone wa u Shakliar da ki chuki Chairman wa Adviser ka sorkar

October 7, 2025

Da ong u wa ha ka EC warim, waroh ki Constituency da yoh ki ya ka Scheme na ka 15th Finance Commission kawa man ka 1st Instalment, tangwa syndet syndet da pynsangeh yow su won ya ki Contractor deiwa e daw wa em i thut krehkaam.

Najrong kini, u Titos da ong u leh wa em ki Scheme wa yatoh wa ka Sports, ka riti, i yarap cha ki skur wa kiwi kiwi, wei kini leh kattæ sakhut ki wot hawa ya ka mang tangka dadep mynjur nadooh u Naiynru.