Shillong: U Symbood Montri Rangbah ka jylla wa pait leh ya ka chnat PWD (Roads), u Prestone Tynsong da pyntip u wa ka Ministry of Roads Transport ka sorkar pyrdi da kyntait ko yei paan poisa ka sorkar jylla neibynta wow chna biang ya ki sarok chnong, ki luti lai kjat wa ki thaw yang bus wa da chah ktah nei wanrah ya ka 2 Lane Shillong-Nongstoin-Tura.
Yeini da ong u Prestone hawa jubab yeiwa kylli u MLA ka Mawphlang, u Syntar Klas Sunn neibhah wot hadien chisnem wa da chna ya ka sarok 2 Lane neiliang ka sorkar ympu em u chna biang ko ya ki thaw wa da chah ktah.
U Prestone da ong u wa ka sorkar jylla da phah ko ya ka yukheiñ neibynta ini i pynlut, tangwa neiliang ka chnat ka sorkar pyrdi won da pynuiñ ko yeini deiwa kyntu wow phah da kawi tawon ka yukheiñ wei katni ka sorkar jylla da pynkhreh ko wow phah biang ya ini i lut i sep.
Chooh chooh da ong u wa ka sorkar ympu ye ko wow kular iwon iwon hajrong kani ka kaam neibhah ini waroh chong i hei yoh ya ka poisa na ka sorkar pyrdi.
Discussion about this post