Sai ka KSU ya ki Blai thaw wa em wa noh cha ka umbam umdih

Jowai: Ka Khasi Students’ Union (KSU) Upper Shillong Circle, hadien wa yoh ko yaka ujor na kiwa chong chnong ka thaaiñ San Mer, Upper Shillong hajrong wa em ki bru kiwa wan wow lehniam Puja, dep te noh roi ki ya ki dur ki Blai thaw ha ki tyllong umbam umdih, kawa ye u ktah ya i khooid yei suba wei khamtam ya i chait i khiah yong kiwa chnong chnong yong kani ka thaaiñ kiwa dih ya ka um na kani ka tyllong.

Ka seiñ ynne ka sngi ka 28 tarik da lai ko wow sakhi da ki khmat wei da yoh leh wow sai ya ki kattu katni ki Blai thaw kiwa em hapoh katai ka tyllong umdih.

Kamtæ ka seiñ da sñiaw ko wow pynsñiaw yei pyrchah wei maham joor ya kitu kiwa lehniam wei lada chem ka seiñ daw leh ko da iwa eh. Chooh chooh, hawa yatoh wa ini, ka seiñ da booh ko leh ya i kyntu ya ki bor kiwa toh u pait wow pynkhooid noh syndon wei wow booh leh yaka maham ha kini ki thaw.

Kani toh katkam ka kyrwoh na u Shngain Sohkhlet, President KSU Upper Shillong Circle.