Sai ki Doctor 77 tylli ki thyrnia nei khlieh kawa dang 19 snem

Ki Doctor ka Veer Surendra Sai Institute of Medical Sciences and Research (VIMSAR) wa em ha Odisha, ynnin ka sngi da sai ki 77 tylli ki thyrnia nei khlieh yong kawi ka kynthai kawa dang 19 snem i rta kawa na chnong Ichgaon wa em ha Balangir District, Odisha.

Ya kani ka bru da pooid la ar sien tangwa da embhah wym em ye kini ki thyrnia wow psiah chapoh i jabieñ tangwa da psiah ki chapoh i snieh khlieh donhi.

Kani ka bru da wanrah ka cha kani ka thaw sumaar da ki pulit ka Sindhikela hadien wa rah nyngkong ki ka cha Bhima Bhoi Medical College & Hospital neidaw wa ood ko wa joor ware i kjut khlieh.

Hadien wa leh ya ka CT Scan da chem wa em palat 70 tylli ki thyrnia ha khlieh ko heiwa ki Doctor ka VIMSAR da ye ki wow sai 77 tylli.

Related posts

Ham mylliñ u e khublei ya ki manbei wa em khon chipai wa dang yakhun yada ya ka ri: Wailadmiki Shylla

May 11, 2025

100 ngut ki Terrorist wa 35-40 ngut ki chipai Pakistan wa yap

May 11, 2025

Kani ka bru da sdang ko wow joor i kjut nadooh wa khlaad ka bei ko soo snem nachwa heiwa kiwa ha-yung ko da lai phah sumaar ki ka ha u bru uwa tip hei ktien pharæng kam u Quack uwa da ong wa yoh ksuid ko wei da thap u da ki thyrnia ha khlieh ko.

Ki pulit da kem ki ya uni u Quack wei dang takit ki boi dang em kiwi ki bru wa sumaar u da uni ha i jooh i rukom.

Ki Doctor wa pooid da ong ki wym tip ki kammon chitom kani ka bru wei daw hap wow pait chwa ka tangwa kattæ chooh da lait ko nei maa.

Ini da wan i hadien wa chi sngi chwa wa da sai 70 tylli ki thyrnia na uwi won uwa chah sumaar ha kani hi ka jooh ka thaw sumaar iwa ye u man i jooh wa jia ya oo.