Sai ki Doctor ya u kynja sñiooh wa jrong 210 cm napoh kpoh ka khynnah

Ki Doctor ka Jaipur ha SMS Hospital da ye ki wow sai ya uwa tip kam u Trichobezoar (Hairball) uwa man kam u kynja sñiooh wa jrong 210 cm na kpoh ka khynnah wa 14 snem iwa da man leh kam ka World Record wa thymme heiwa uwa rim kam uni u jait toh uwa jrong 180 cm.

Kani ka khynnah toh kaw puræ Class-X kawa na Agra kawa da sooh kpoh wei prai ko da palat chi bnai wei da wanrah ka cha Hospital. Hadien wa pait sylli ki Doctor ya kani ka khynnah da chem wa em iwa eh hapoh kpoh ko hadien wa leh ya ka Contrast Enhanced CT (CECT) iwa da dap hapoh kpoh ko.

Kamtæ ki Doctor da pooid ki ka wei da khyrngiat ki wow chem ya ini hapoh kpoh ko uwa da poor chapoh sner ko khian ko. I sai ya uni u sñiooh da man iwa chitom bha yow lait u tkut u wei da hap pooid ha kiwa boon ki bynta.

Yeini i pooid da leh da u Dr. Jeevan Kankariya deilang u Dr. Rajendra Bugalya, u Dr. Devendra Saini, u Dr. Amit wa u Dr. Sunil Chauhan deiwa pait wei kyrchaan u Dr. Sushil Bhati wa u Principal Dr. Deepak Maheshwari.

Related posts

Daw pynman ya ka Dorbar Kutsnem ka Shnongpdeng | U khang ya ki kaam neibynta kiwa uiñke suwari  

June 3, 2025

Ym yoh jubab ka WJSU ya ka RTI wa da kylli chaphang i pynchna ya ka madan ha Amlarem

June 2, 2025

Kani ka khynnah toh kawa baam ya ki dieñ, ki kse wa u Chalk da boon snem wei da leh ko yeini nadooh wa em ko ha Class 6. Ki Doctor da antaad ki wa chitom ko hei bor pyrkhat wa tip kam i Pica iwa pynman ya ka wow baam ko ya ki wym toh u baam.

Hapoh uni u sñiooh da chem ki lakhot dieñ, ki jri, ki moo, ki kse wa kiwi ki jait ki wym hoi u baam.

Yei pooid da leh ha ka 27 tarik u Naisan.