Hei miet ka 9 tarik uni u bnai da chem ya 3 ngut kiwa da yap na ka thaw sah yong u Chowkidar ka Institute of Science & Bio Resource kawa em ha Umsawli, Shillong wei ya kini kiwa yap da chem hadien wa da mih i sma na katai ka thaw.
Hadien wa da mih ini i sma, neiliang kiwa yahkhmat chnong wa kynthup ya u waheh chnong da lai jngieh ki ya ini i thaw heiwa da chem ya 3 tylli ki metyap.
Kini ki metyap kynthup i ya yong kawi ka manbei wa tip pyrtuid kam ka Sheba Kharbani (40 snem) kawa kreh kam ka Cleaner kawa da chem na iwi i kamra katwa ha kawi ka kamra da chem sa ya ar ngut kiwa yap ki chynrang wa tip kam u Rupert Donbor Dohtdong (43 snem) wa u Backstar Kharkrang (30 snem).
Da pyntip wa kini ki 3 ngut toh kiwa na Mawlai Phudmuri wei da suba wa da khlaad ki nadooh ka 7 tarik uni u bnai.
Katkam ka khubor wa da yoh u lum, da suba wa kini waroh le ngut da yap ki neidaw wa baam ya u tit khloo, neibhah na katai ka yung da chem ya u tit wa da chet ki ha uwi u khcu.
Da poi leh ki pulit ka Crime Scene Unit ki wym pu ye u pyntikna yeini wei da phah wow thooh bniah wei ka takit hajrong itai wa jia dang lai i chakhmat.
![](https://i0.wp.com/wyrta.com/wp-content/uploads/2023/07/sbisdfr1.jpg?resize=960%2C540&ssl=1)